Фото: Момче (11) е првото дете во Британија подложено на мастектомија

Храбро момче од Манчестер, Велика Британија, на кое му е извршена операција за  отстранување на тумор на градите на своите соученици и другари во училиште им рекол дека го гризнала ајкула.

11-годишниот Луис Дикин, страда од артерио-венска малформација, ретко нарушување поради кое има зголемен ризик за развој на бенинген тумор.

Луис воедно е најмладата личност на која му е извршена мастектомија – истата операција која им се прави на жените кои се соочуваат со рак на дојка, пренесуваат британските медиуми.

По операцијата која била изведена во детската болница во Бирмингем, Луис на своите другари им кажал дека лузната од операцијата всушност е лузна од гризнување од ајкула.

Според зборовите на неговата мајка, Луис е единствено дете во Британија на која му е извршено мастекотмија. Кога ќе закрепне од операцијата, лекарите ќе бидат во можност да му направат реконструкција на тој дел од телото.

– Во почетокот му беше непријатно и на никого не сакаше да му ја покаже лузната, но сега на девојчињата на училиште им вели дека го гризнала ајкула – изјавила неговата мајка.

Родителите пред три години првпат го одвеле Луис на доктор поради израсток на градите, но сите биле збунети се додека не ги посетил докторот Хироши Нишикаву во Детската болница во Бирмингем каде му било дијагностицирано ова ретко нарушување.