Една жртва при ритуал за истерување на духови во Франкфурт

Германската полиција уапсила петмина Јужнокорејци кои се осомничени дека учествувале во убиство за време на ритуал за истерување на духови од човечко тело.

Според Јавното обвинителство, егзорцизмот се случил во Франкфурт каде што е откриено тело на 41-годишна жена во хотелска соба. Полицијата за случајот дознала откако во хотелот е повикан свештеник кој ги информирал вработените во хотелот.

Осомничени за убиството се нејзините четири деца на возраст од 15 до 21 година и нејзина братучетка, кои пристигнале во Германија пред шест недели. Според обвинителката Надја Нисен осомничените сакале да „истераат“ демон од телото на починатата и затоа употребиле сила притискајќи ги нејзините гради и стомак додека устата и ја затвориле со пешкир.

Втората преживеана жртва од истото семејство била пронајдена во гаражата на изнајмената куќа во населбата Салцбах каде што живеело семејството. Била целосно дехидрирана и со намалена телесна температура.

Обвинителството и полицијата се уште немаат информација што се случило со преживеаната жена во еден од најбизарните криминални случаи во модерна Германија.