Две женски тепачки, едни се тепале во казино, други пред зграда

Во казино на улицата „Димитрие Чуповски“ во Скопје завчера во 16:30 часот било пријавено дека по претходно недоразбирање, бил нарушен јавниот ред и мир со физичка пресметка меѓу 42-годишната Г.Т. од Кавадарци и 23-годишната Т.Т. од Скопје.

По целосно документирање на случајот ќе следи соодветен поднесок, велат од МВР.

Истиот ден во 20.10 часот, пак, Б.Т.(30) од Скопје, со привремен престој во Струга, пријавила дека околу 19 часот во влез од зграда во Струга била физички нападната од Г.М. од Струга (женско лице).

Од МВР велат дека се работи на расчистување на случајот.