ДОСЕГА ПОМИНАЛ 160 КМ: Кобилата се повредила во Скопје, пешки оди за Крушево

„Долно Лисиче – Крушево, непланирано пешки. Било моја среќа, кобилата да ми се повреди уште во Скопје. Не можеше да го издржи ниту дефилето.

Па, од Долно Лисиче, денеска пристигнав пешки во Ропотово. Изминав досега околу 160 км, заедно со коњаницата.

Во 42-годишна традиција, јас сум првиот што изодел олкав пат – пешки, со коњаницата. Кога трчаа и јас трчав, кога одеа и јас одев, за љубов кон РМ.

Не сакав да се откажам од маршот.

Трасата досега изгледаше вака: Долно Лисиче – Петровец – Катланово – Велес – Долно Оризари – Чашка – Теово – Богомила – Ропотово. Утре е нашиот последен ден – до Крушево.

Да живее Република Македонија“, напиша Томе Саздов на својот Фејсбук профил.