Утрово кај Крагуевац по голема потрага на српските специјалци уапсен е Урош Б., лицето за кое има основани сомневања дека убил 8, а ранил 13 лица. Тој синоќа со калашников кај Младеновац извршил вистински масакр. Според првичните сознанија, се работи за лицето кое порано не било осудувано но е пријавувано за насилство.
Додека полицијата го бараше на социјалната мрежа Инстаграм рано утрово се појави фотографија од осомничениот за масовно убиство во Младеновац и околината, Урош Б. објави српски Курир, кој соопшти дека фотографиите ги испратиле загрижените читатели со коментар дека „направил нов профил“.
Малку по 2 часа на еден Инстаграм профил кој е потпишан како Урош Б., на приказната се појави и негова фотографија! Засега нема потврда дали направил нов профил на Инстаграм од непозната локација или пак се работи за страшна игра од некој што го поддржува.
Да потсетиме, осомничениот за осумкратното убиство Урош Б.(21) вечерва бил виден во Шепшин каде пукал во полицијата, а специјалните единици ги пребаруваат сите сомнителни предмети.
Тој е осомничен дека убил најмалку 8 лица, а ранил 13 во престрелката што се случи вечерва во Младеновац и околината! Урош Б. е осомничен дека околу 23 часот отишол дома, зел калашников и пукал во луѓе по расправија со другарите во училишниот двор во селото Дубона. Откако повредил голем број луѓе, влегол во автомобил и започнал крвава треска во околните места.
Прво пукал со калашникови во толпата, а подоцна и од автомобил во движење, без да ги избере жртвите. Според непотврдени информации меѓу ранетите има и деца.
На споменатата приказна на Инстаграм, заедно со слика на Урош П., објавена е и морничава порака придружена со музика од филмот „Јужен ветер“:
„На единица прангувам“, пишува, со знак тупаница, на оваа фотографија.
