Трка на „Партизанска“заврши со сообраќајка, еден од автомобилите удрил во контејнер

Трка меѓу два автомобили на „Партизанска“ заврши со сообраќајна незгода, откако едно од возилата удри во контејнер и искрши десетина метални столпчиња, објави Новинската агенција Макфакс.

Сообраќајката беше потврдена и од МВР.

-Денеска во 13.25 часот било пријавено дека на бул. „Партизански Одреди“ патничко моторно возило „сеат ибица“ со скопски регистарски ознаки удрило во контејнер и неколку столпчиња. До овој момент нема пријава за повредени лица. Од страна на полициски службеници излезено е на местото на настанот, информира МВР.