Пиењето две-три шолји кафе дневно може да биде поврзано со подолг животен век, сугерира ново истражување.
Во споредба со избегнувањето на кафето, тоа исто така е поврзано со помал ризик од кардиоваскуларни болести, покажа студијата.
Наодите беа применети на мелени, инстант и бескофеински сорти кафе, а истражувачите сугерираат дека консумирањето кафе треба да се смета за дел од здравиот начин на живот. Според студијата, најголемо намалување на ризикот е забележано со две-три шолји дневно. Во споредба со неконсумацијата на кафе, тоа е поврзано со 14 проценти, 27 проценти и 11 проценти помала веројатност за смрт од бескофеински, мелени и инстант-препарати.
Во оваа голема набљудувачка студија, инстант-кафето и кафето без кофеин беа поврзани со еквивалентно намалување на инциденцата на кардиоваскуларни болести и смрт од кардиоваскуларни болести или која било причина – вели авторот на студијата, професорот Питер Кистлер од институтот за истражување срце и дијабетес „Бејкер“ во Австралија.
Според него, резултатите сугерираат дека лесна до умерена доза мелено инстант-кафе и без кофеин треба да се смета за дел од здрав начин на живот.
Студијата ги испитувала врските помеѓу видовите кафе и отчукувањата на срцето, кардиоваскуларните болести и смртта, користејќи податоци од истражувањето на „Биобанк“ во Велика Британија, која регрутирала возрасни на возраст меѓу 40 и 69 години.
