Во 2021 година 20 милиони евра повеќе за плати во администрацијата

Од вкупните буџетските расходи во 2021 година кои се проектирани на 247,5 милијарди денари (4 милијарди евра) за плати и надоместоци на администрацијата ќе се одвојат 31,3 милијарди денари (510 милиони евра), покажува предлог-буџетот за 2021 година кој беше доставен до Собранието.

Станува збор за пораст од 4,1 отсто во однос на годинашниот буџет во кој за плати и надоместоци се предвидени 30,1 милијарди денари (490 милиони евра).