ВИДЕО: Марко Ѓуриќ приведен во Приштина како најголем криминалец

Директорот на Канцеларијата за Косово и Метохија на Србија, Марко Ѓуриќ, денеска е одведен во полициска станица во Приштина, а додека тоа се случувало, бил свиркан од присутните граѓани.

Тој е уапсен во Косовска Митровица од страна на припадниците на косовската полиција, Прво бил однесен во станица, а потоа, наводно, започнал неговиот транспорт кон граничниот премин Мердара.

Група Срби бурно реагирала на настаните и се обиделе да го бранат со голи раце, иако специјалците биле наоружани со автомати.

Според реакциите во српските медиуми, Ѓуриќ низ улиците на Приштина бил воден како најголем криминалец.