Војникот на АРМ: Не сум навредувал Албанци, моето потекло е од Корча!

Богоевски е припадник на Министерството за одбрана. Вели дека има потекло од Корча и дека живее опкружен со Албанци, тврди за ТВ 21. Но, токму тој е посочен како едно од лицата кои учествувале во инцидентот во Крушево во кој, освен фрлањето на тврди предмети кон домашни и странски делегации, имаше навредливо скандирање против Албанците.

Од Министерството за одбрана велат дека започнале истрага за случајот, а за таа цел формирана е и комисија. Тој вели дека бил во Крушево, но тврди дека не учествувал во инцидентите.