Во Србија разбиена меѓународна мрежа за трговја со дрога

Српскиот министер за внатрешни работи Небојша Стефановиќ изјави денеска дека вработените во Службата за борба против организираниот криминал разбиле уште една голема меѓународна мрежа за трговија со дрога.

Мрежата е разбиена откако на граничниот премин Градина, на границата со Бугарија во камион со регистарски таблички од Нови Пазар се пронајдени 16,13 килограми хероин.

Стефановиќ истакна дека тоа е една од најголемите количини дрога, запленети на територијата на Република Србија.

Полицијата уапсила двајца жители на Нови Пазар на 29 и 35 години. Се претпоставува дека тие се дел од организирана криминална група, која се занимава со трговија на дрога од Турција во Србија.