Убиена Палестинка при обид да прободе војници (ВИДЕО)

Израелските безбедносни сили убиле Палестинка, која се обидела да ги прободе на контролниот пункт во окупираниот Западен Брег, соопшти полицијата.

Видеото, чија автентичност не е потврдена, прикажува маж што пука врз жена што паѓа и испушта нешто од раката, пренесува „Ројтерс“.

Портпаролот на израелската полиција објави на „Твитер“ дека жената се обидела да го нападне контролниот пункт и приложи фотографија на нож со кој се обидела да ги прободе војниците.

Палестинскиот министер за здравство потврди дека жената починала од повреди, но не кажа детали.