Татко лажно пријавил дека неговиот син му украл злато и 100 илјади евра

Татко лажно го пријавил својот син дека наводно со уште три други лица му украл злато и 100 илјади евра. Поради неговото лажно пријавување таткото заработил кривична пријава.

– Основното јавно обвинителство Тетово поднесе кривична пријава против 52-годишниот М.Џ. од тетовска Палатица поради постоење основи на сомнение дека сторил кривично дело „лажно пријавување“. Пријавениот се сомничи дека на 2 декември лажно пријавил дека во неговата куќа во Палатица била извршена тешка кражба во која биле одземени златен накит и девизи во вкупен износ од околу 100.000 евра, а во која наводно учествувал неговиот син А.Џ.(19) со уште три други лица, по што наводно се оддалечиле од куќата и заминале со возило „Фолксваген голф“ со тетовски регистарски ознаки, се вели во соопштението на Обвинителството.

Таткото М.Џ. признал дека ја измислил целата приказна околу кражбата.