Селена Гомез: „Болката и анксиозноста ме вратија назад, го презедоа кормилото во мојот живот!“

Популарната Селена Гомез изминатава година се повлече од јавноста, пријавувајќи се на рехабилитација за да го подобри психичкото здравје. Па по тој повод си ја отвори душата во последното интервју и го изјави следново.

Минатата година патев психички и физички. Не можев да се присилам да се смеам и да се правам дека сѐ е во ред, кога не беше. Имав чувство дека болката и анксиозноста ја преземаа контролата врз мојот живот, тоа ми беше еден од најстрашните моменти во животот.

Побарав помош од докторите кои ми ја поставија вистинската дијагноза и тоа ми делуваше истовремено застрашувачки и олеснувачки. Застрашувачки зашто сѐ се откри, а олеснувачки зашто конечно дознав зошто со години се борам со депресија и анксиозност. Иако ова не значи дека тој дел од мојот живот исчезнал, сепак можам да кажам дека после една година интензивна работа на себе сум посреќна, поздрава и конечно ги држам емоциите под контрола – вели Селена.