МВР за синоќешниот инцидент во Ченто: Ќе се преземат мерки против сите што не го почитувале полицискиот час (ВИДЕО)

Министерството за внатрешни работи, се огласи по повод вчерашниот инцидент во населбата Ченто, кога поголема група на граѓани го прекршија полицискиот час, и излегоа на протест како знак за револт откако биле приведени три лица.

„На 13.04.2020 во 22,00ч. во ПС Гази Баба од страна на полициски службеници биле лишени од слобода В.М. (19) од Арачиново, С.Р. (21) од с.Синѓелиќ и В.В. (30) од ул.„Алија Авдовиќ“ поради основано сомнение за сторено кривично дело  по чл.206 од КЗ на РСМ, односно непочитување на ограничувањето на движење.

По лишувањето од слобода  на лицата, на ул.„Алија Авдовиќ“, поголема група граѓани излегле на истата улица во знак на протест.

По изготвената соодветна документација, лицата се пуштени од полициската станица, а насобраната група граѓани се разотишла.

Ќе бидат преземени соодветни мерки и против останатите лица што не го почитуваа ограничувањето на движење.“, велат од МВР.