Новак Ѓоковиќ во минатото често знаел да им даде поддршка на хрватските спортисти, особено тоа беше нагласено за време на фудбалското Светско првенство во Русија кога отворено ги поддржа Модриќ, Ракитиќ и останатите.
Тој вели дека политиката треба да се тргне на страна, Хрватска, Македонија и Босна и Херцеговина ги гледа како свои.
„Свесен сум за политичката ситуација и знам дека раните од војната се свежи за многу луѓе. Се молам за сите кои се уште имаат последици од таа војна, но силно верувам дека спортот треба да биде надвор од политиката. Хрватска, Македонија, Босна и Херцеговина се нашите први соседи и јас ги гледам како свои. Знам дека многумина ќе бидат навредени од ова што го зборувам, но ги разбирам и нив и ги почитува, само го кажувам моето мислење“, изјави Ѓоковиќ.
