Британски медиуми: Новак сакаме да те мразиме, престани да бидеш толку фин

Новак Ѓоковиќ, сакаме да те мразиме затоа што го победи Енди Мареј, можеш ли да престанеш да бидеш толку фин? – ова е насловот во еден англиски весник, поврзан со хуманитарната акција на Ѓоковиќ.

Светскиот рекет бр. 1 после големата шеста победа на Австралија Опен ја посети хуманитарната организација „Мелбурн Сити Мишн“, која им помага на некои од најзагрозените групи деца во Мелбурн, играше со дечињата и во име на неговата фондација донираше 20.000 долари како поддршка за нивната работа.

– Тој е најдобриот тенисер во светот и некој кој неодамна му го скрши срцето на Енди Мареј, победувајќи го во финалето на Австралија опен. Но веднаш откако по шести пат го освои Австралија опен, Ѓоковиќ ја покажа и својата друга страна – ги освои срцата како шампион на хуманоста. Дури и најзагрижените фанови на Марејмораат да признаат дека е невозможно да не се сака Ѓоковиќ, напиша британски „Дејли Рекорд“.