Ана Курникова и пејачот Енрике Иглесијас го добија своето трето дете (ФОТО)

Ваквата информација ја потврдил братот на Енрике, Хулио Иглесијас Јуниор во една емисија на радио станицата “ADN”.

“Веќе станав чичко”, рекол Хулио, а на прашањето на водителот дали бебето е родено, Иглесијас одговорил кратко со “да”. Меѓутоа, братот на Енрике не сакал да го открие полот на детето.

“Тоа е тајна. Мојот брат сега има три деца и е многу среќен”, изјавил Хулио и тоа било сè што открил помалиот брат за приновата која била одлично криена од очите на јавноста.

Тоа што се мистериозни кога е третото дете во прашање не треба да нè чуди бидејќи Ана и Енрике ја открија првата бременост со близнаците дури неколку дена откако се породи оваа некогашна спортистка.