(ВИДЕО) „Патник без адреса” е новата песна напишана од Александар Стевановски
Еден од подобрите текстописци од областа на македонската народна музика Александар Стевановски, се повеќе се пробива надвор од Македонија. Тој на својот Фејсбук профил објави дека заедно со Ѓоко Јовиќ, создале музичка нумера за босанскиот пејач Армин Биједиќ. Станува збор за песната „Патник без адреса” (Putnik bez adresе). Музиката е дело на Ѓоко Јовиќ, а текстот на Александар Стевановски.
– Со посебно задоволство споделувам со вас уште едно музичко парче кое што го создадовме со Gjoko Jovik, а го испеа, и денес конечно го пушти во етер босанецот Armin Bijedic, напиша Александар на својот Фејсбук профил.
Ѓоко Јовиќ и текстописецот Александар Стевановски веќе неколку години заедно создаваат нови македонски народни песни. „За Велигден”, „Решив дома да се вратам”, „Стојне мома на чорбаџи Стојана” и други, се дел од песните кои што се создадени токму од нив.
