Секое трето семејство во Македонија не може да си ги плати сметките

Евростат објави дека речиси 37 отсто или 209.000 домаќинства имаат проблем редовно да платат за електрична енергија, парно греење и вода. Претходните години тој број надминувал и над 40 отсто.

Во ЕУ, скоро 7 отсто од семејствата се соочуваат со овој проблем.

Кај јужниот сосед 36 отсто го имаат овој проблем, а во Бугарија 30 отсто од домаќинствата.

Во развиените земји, овој процент е многу низок. Во Швајцарија само 4.1 отсто семејства имаат потешкотии да си ги платат сметките, во Малта 6.9 отсто, Австрија 2.4, Холандија 1.5 отсто. Во Полска 6.3, а во Португалија 4.5 отсто домаќинства не можат да си ги покријат сметките. Во Норвешка смао 2.7 отсто имаат ваков проблем.