Кој е Звицер мафијашот кој подготвувал атентат на Вучиќ, „испарувал“, секогаш кога бил следен

Министерот Александар Вулин соопшти дека е откриено дека организирана криминална група, поддржана од Радоје Звицер, планирала атентат врз Александар Вучиќ.

Радоје Звиcер важи за еден од основачите и водачите на „кавачкиот клан“ и еден од најголемите шверцери на кокаин во светот, можеби најголемиот дистрибутер на наркотици од колумбиските картели.

Тој ги предводи членовите на оваа криминална организација од странство и е осомничен дека е вмешан во нарачување убиства.

Се верува и дека тој стои зад ликвидацијата на шефовите на „Шкаљарскиот клан“, Игор Дедовиќ и Стеван Стаматовиќ во Атина. Станува збор за одмаздата за продажбата на информации за товар со дрога вреден околу една милијарда евра на ДЕА и ФБИ.

Според пишувањата на медиумите, Звицер избегнал апсење за време на полициска акција на територијата на Косово пред неколку години, бидејќи побегнал од Приштина еден ден претходно, благодарение на дојава што ја добил од непознат извор.

Звицер патувал под лажното име Јосип Бабиќ

Звицер извесно време поминал во Приштина, од каде отпатувал во Истанбул, Виена и Цирих користејќи лажни документи. Иако полицијата се надевала дека и тој ќе биде фатен во акцијата што ја подготвувале десетина дена, Звицер успеал да го напушти местото што привремено го користел.

Според информациите на безбедносните служби од регионот, Радоје Звицер се криел во земјите од регионот и ЕУ под лажното име Јосип Бабиќ, роден на 6 февруари 1979 година од Орашје, БиХ.

Бабиќ е државјанин на БиХ, роден во германскиот град Нирнберг и никогаш не вадел документи од БиХ. Бидејќи Бабиќ одговарал на неговиот опис и возраст, тој го искористил тоа и го извадил пасошот преку неговите „канали“ во БиХ.

Во 2018 година во Чешка беше уапсен неговиот близок соработник Слободан Кашчелан, по кого беше распишана потерница во септември 2016 година. Се бара за убиство во обид, создавање криминална организација и лихварство.

Кашчелан беше под финансиска истрага и 19 негови недвижнини беа блокирани. Инспекторите привремено ја забранија употребата на овие недвижнини.

Тој престојувал и во Украина, каде се обиделе да го убијат во 2020 година. Сопругата на Радоје Звицер, Тамара, во последен момент му го спасила животот на сопругот кога ги одвратила напаѓачите од намерата да го ликвидираат наводниот водач на „кавачкиот клан“ во престрелка што се случи минатата година во Украина.

Србија распиша потерница Србија на крајот на април минатата година распиша потерница за водачот на „Кавачкиот клан“ Звицер, кој бил шеф и на Вељко Беливук поради сомневање дека е поврзан со неколку ликвидации.

Се верува дека Звицер учествувал во организирање на најмалку три убиства во Србија и во регионот и регрутирање на нови членови на кланот во Србија, преку Беливук.

Друг важен соработник на Звицер во Белград бил Никола Вусовиќ, познат како Џони, кој според податоците на оперативната полиција е водач на „врачарскиот клан“. Се верува дека тие двајца соработувале во шверцот со Кокаин.

Некои информации покажаа дека српските истражни органи располагаат со голем број материјални докази кои упатуваат на сомнеж дека „кавчаните“ се одговорни за повеќе убиства во Србија, но и во регионот. Токму поради тоа Србија, меѓу другото, распиша потерница по Звицер.

Тој побегнал пред апсењето на Беливук и Миљковиќ

Радоје Звицер избега во февруари веднаш по апсењето на Вељко Беливук, Марко Миљковиќ и останатите членови на кланот. Водачот на кланот во март не бил пронајден во неговата куќа во которската населба Кавачи. Црногорската полиција упадна во неговата куќа на 28 март.

Звицер се наоѓа во Бразил?
Звицер, наводно, последен пат бил лоциран во Бразил. Тој го напушти Балканот преку Босна и Херцеговина, а потоа, како што се сомневаше во Јужна Америка, една станица беше Шпанија. Некои медиуми објавија дека Звицер се наоѓал во Париз.

Очигледно е дека Звицер имал силни помагачи, како и добро подготвена логистика и безбедни локации, бидејќи „испарувал“ додека бил следен, пишува „Новости“.