МВР: Се испраќаат лажни покани по мејл

Министерството за внатрешни работи алармира дека и денеска одредени граѓани и правни лица примале лажни пораки во име на државниот секретар Магдалена Несторовска, лажни покани за наводна тековна истрага за измама во банка.

„Апелираме до граѓаните да не наседнуваат на ваквите измами. Секторот за компјутерски криминал и дигитална форензика при МВР презема мерки и активности за законско санкционирање на сторителот. Ги известуваме граѓаните дека Министерството за внатрешни работи не користи електронска пошта за испраќање покани до граѓани во врска со спроведување на истраги, туку тие покани се испраќаат во хартиена форма, со соодветна процедура. Апелираме до граѓаните воопшто да не ги отварат овие електронски пораки“, соопшти МВР.