Скопјани небезбедни во сопствениот град, Шверцерите повторно го тероризираат Скопје

Објавено: понеделник, 8 август 2022 во 23:34
Spread the love

Инфомакс ексклузивно дознава од свои извори дека навивачката хулиганска група Шверцери направиле голем инцидент во центарот на Скопје.

Припадниците на навивачката група на Шкупи со камења удриле по Ајриш Паб, локал лоциран на самиот кеј на реката Вардар во строгиот центар.

Причините за ваквиот екцес се непознати, но она што е сигурно е дека навивачката група продолжува со насилството и хулиганското однесување откако пред месец дена со камења удрија по демонстрантите кои протестираа против францускиот предлог, инцидент кој што заврши со истрели од огнено оружје.

Како што дознаваме се работила за група од околу 20-тина навивачи кои со камења удриле по локалот. За среќа во инцидентот нема повредени и поголеми оштетувања на локалот.

Тие биле спречени во намерата од припадници на полицијата кои случајно се нашле на лице место по што се дале во бегство во правец кон Камениот мост.

Полицајците ги изгубиле хулиганите некаде во Старата Скопска Чаршија, пренесува Инфомакс.