Роберт де Ниро: САД страдаат од привремено лудило

Објавено: понеделник, 12 февруари 2018 во 13:27
Spread the love

Холивудската ѕвезда Роберт де Ниро го критикуваше ставот на администрацијата на Трамп за климатските промени, велејќи пред огромната публика на Блискиот Исток дека е дојден од една „назадна“ земја што страда од „привремено лудило“.

Тој рече дека во земјата што ја опишува, шефот на Агенцијата за заштита на животната средина минатата недела рекол дека глобалното затоплување можеби е добра работа за човештвото.

„Зборувам за мојата сопствена земја, Соединетите Американски Држави. Ние не сакаме да велиме дека сме ‘назадна’ земја, па ајде да речеме дека страдаме од случај на привремено лудило“, додаде тој.

Де Ниро доби аплауз и громогласна смеа кога рече дека САД „на крај ќе се излечат кога со гласање ќе го избркаме нашиот опасен лидер од функцијата“, објави АП.

Де Ниро зборуваше во неделата на Светскиот владин самит во Дубаи.