Путин подарува најмалку хектар земја на секој Русин

Рускиот претседател Владимир Путин потпишал закон со кој на граѓаните им се дава земја на далекиот исток на Русија на бесплатно користење. Со законот, секој граѓанин на Русија може на рок од пет години да добие на користење најмалку хектар земја што е во државна или во општинска сопственост.

По истекот на петте години земјата може да се земе под закуп или да се купи. Во меѓувреме не е дозволено купопродавање на земјата – истата не може да им се дава под закуп или на користење на странци, на компании, како ниту на луѓе кои немаат државјанство.

Законот е напишан по налог на Путин, а според истражувањата 63% од жителите на далекиот руски исток сметаат дека бесплатното давање на земја ќе го зголеми стандардот на тамошните региони.