Путин забранил вработување на Турци во Русија

Од 1 јануари се стопира извозот на храна од Турција кон Русија, чартер-летовите меѓу двете држави и безвизниот режим.

putin i erdogan

Претседателот на Русија Владимир Путин потпишал указ за примена на посебни економски мерки спрема Турција. Со документот се воведува забрана, односно ограничувања за организации во Турција или се контролирани од нејзини граѓани да вршат одредени видови активности на територијата на Русија според листа составен од руската влада. Со указот, од 1 јануари 2016 година Русија забранува увоз на храна од Турција, престанува дејството на безвизниот режим со Турција и се укинуваат чартер-летовите меѓу двете земји. Покрај тоа, од 1 јануари 2016 година им се забранува на работодавците да вработуваат турски државјани.