Неверојатна храброст: Со голи раце фати жена која паѓаше од 11-от кат на една зграда

Објавено: понеделник, 28 декември 2015 во 10:38
Spread the love
Надзорни камери го снимиле моментот кога еден млад човек од Кина со голи раце фаќа жена која паднала од 11-от кат на зграда.
Пред зградата во кинеската провинција Хубеи, Фенг Нинг трчал лево-десно и постојано гледал нагоре. Неколку моменти подоцна, директно во неговите раце паднала жена. Поради јачината на ударот Фенг паднал на земја.
Тој изјавил дека откако излегол од ресторанот, слушнал дека некој плаче и бара помош од блиската станбена зграда. Потоа ја видел жената која висела од прозорецот на 11-от кат.
– Истрчав кон зградата, но таа веќе падна пред да стигнам до влезот и бев подготвен да ја фатам. Потоа не знам што се случи, изјавил Фенг од болничкиот кревет.
Еден од сведоците на настанот, изјавил дека се слушнало врескање и силен удар. Потоа го здголедале младиот човек кој се потел и врескал од болка. Тој бил префрлен во болница, а жената за жал не преживеала.
Младиот Фенг изјавил дека во тој момент не помислил дека си го загрозува сопствениот живот, само сакал да ја спаси жената.
-Не ми е жал. Штета што не успеав да ја спасам жената, рекол храбриот Фенг Нинг.