Божикно добро дело: Анонимни лица платиле половина милион долари туѓи сметки

Вкупно се платени 484.000 долари во неколку продавници во Охајо, Флорида и Пенсилванија за божикните и новогодишните подароци кои луѓето ги купувале на рати.

dedo mraz

Дел од купувачите на американскиот синџир Волмарт добија неочекуван божикен подарок кога тајни Дедо Мразовци платиле речиси половина милион долари нивни сметки во три американски држави.

– Три лица, кои сакаа да останат анонимни, доставија износи во вредност од 106.000, 200.000 и 158.000 долари за плаќање сметки, изјави Вајат Џефриес, портпарол на Вол Март Сторс.

Тој додаде дека имало донации и во помали износи, од по неколку илјади долари.

– Горди сме што сме дел од овие случајно одбрани добри дела, напиша компанијата во соопштението.