Американските служби тврдат: Русија ќе предизвика војна на Косово

Американските известувачки служби, кои се занимаваат со проценките на ризик од можен регионален судир, тврдат дека потенцијални жаришта во 2019 година можат да бидат на Балканот.

Тие тврдат дека Русија се обидува со сите сили да доведе етничка расправија, специјално помеѓу Србија и Косово, но и други балкански држави со мултиетнички состав, со цел да ги спречи овие држави да го продолжат својот пат во приклучувањето на евроатланските интеграции.

– Западниот Балкан е најопасната територија за потенцијален судир, па дури и војни за време на 2019 година. Русија ќе се обиде да ги искористи меѓуетничките тензии и високото ниво на корупција на врвот на западнобалканските земји со цел да спречи државите во тој регион да го започнат патот кон влез во НАТО и ЕУ, се наведува во извештајот кои го објавиле приштинските медиуми.